ТУНИС е најисточна и најмала од државите лоцирани долж планинскиот венец Атлас, земја на гостопримливи и горди луѓе отсекогаш привлекувале патници, херои, освојувачи… Скоро 40% од територијата е покриена со волшебната пустина Сахара, остатокот од внатрешноста на Тунис е плодна земја со достапни патишта до морето. Овие два фактори играат значајна улога во историјата, за време на создавање на познатиот древен феникиски град Картагина познат во античко време како „Африканскиот Рим“, а подоцна и кога Тунис станува гранка на Римската империја. Името Тунис, според некои толкувања, потекнува од берберскиот збор „преку ноќ“. Оваа земја има бројни траги од човечка активност, кои сведочат за предците на денешен Тунис, кои датираат од раниот палеолит, мегу другите во Тунис е откриена и најстарата верска зграда во светот, стара повеќе од 40 000 години. Во историските записи овој регион се спомнува со доаѓањето на Феникијците кој развиваат трговски мрежи и градови. Списокот на напаѓачите низ историјата е голем: од Римјаните, преку Шпанците, Арапите, Французите, Тунис се здоби со независност во 1956 година и Хабиб Бургуиба станал првиот претседател на Тунис. Во втората половина на минатиот век, Тунис ја прифати модерната ера со задолжително образование на два јазика – арапски и француски, бесплатна здравствена заштита, еманципација на жените, парламентарна демократија … Оваа земја, каде што се преплетува илјадогодишна култура, традиција и легенди, бои во ритам на контрасти се наоѓа во срцето на Медитеранот. Со своите преубави долги и песочни плажи (прекрасно медитеранско крајбрежје скоро 1300 км), могубројни хотели, културно историски споменици, мистериозна Сахара и својата магичност привлекува значителен број на туристи од сите страни на светот. Тунис поради поволната приморска клима е полуларна туристичка дестинација преку целата година
Главниот град на Тунис, градот Тунис, се наоѓа во форма на потковица околу езерото Тунис, со нов дел од градот што излегува од Заливот на Тунис. Овој град бил изграден од остатоците на феникиската престолнина Картагина. Во средниот век, за време на владеењето на династијата Хафсид, Тунис бил еден од најголемите и најразвиените градови во исламскиот свет. Во 16 век го освоиле Турците, во 19 век од нови освојувачи, Французите. За време на Втората светска војна, Тунис бил под контрола на Германците. По прогласувањето на независност, тој станува главен град. Градот Тунис, се карактеризира со динамичен спој на традицијата и модерноста, медитеранскиот и европскиот шарм. Градот има три важни делови: Медина, која е старото арапско и турско јадро на градот, францускиот дел, формиран на крајот на XIX и во првата половина на XX век и најновиот, модерен дел кој прстенесто се протега на север и по бреговите на езерото Тунис.
Денешниот Тунис е голем универзитетски центар и исто така центар за производство на текстил, тепих и маслиново масло. Воедно привлекува огромен број туристи поради урнатините на Картагина, огромниот број џамии, мавзолеи, медреси и фонтани кои датираат од периодот на Хафсид. Центарот на градот, Медина во Тунис е под заштита на УНЕСКО од 1979 година.
