fbpx
Duration: 02.08.2024
Price: 1790€Рана резервација до 30.04.2024 : 1590€
Book Now!
mag


02 август 2024  Скопје – Осло
Состанок на група на аеродромот во Скопје 2 часа пред лет. Полетување за Осло во 06.40 часот. Слетување во 10.00часот. Организиран трансфер од аеродром. Разглед 3 часа, обиколка на норвешката престолнина која минува низ централното подрачје со катедралата, Парламентот, главната улица Карл Јохан, Универзитетот и Кралската палата со прошетка во импресивниот парк Вигеланд со повеќе од 200 неверојатни скулптури. Слободно време. Можност за факултативна посета на Bygdoey „Музејски полуостров” каде што има фантастични музеи, меѓу најпознатите се Кон-ти-Ки и Фрам. Сместување во хотел. Ноќевање.

03 август 2024  Осло – Лилехамер
Појадок. Патување кон Лилехамер, познато скијачко одморалиште во јужна Норвешка. Центарот на градот го красат дрвени куќи од крајот на 19век, кои уживаат во живописната локација со поглед на северниот дел на езерото Мјоса и реката Лаген, опкружена со планини. Лилехамер беше домаќин на Зимските олимписки игри 1994 и Зимските олимписки игри за млади во 2016 година. Посета на Олимпискиот музеј кој има изложби од Зимските олимписки игри. Пауза за ручек. Слободно време. Ноќевање во хотел. Сместување во хотел. Ноќевање.

04 август 2024  Лилехамер – Кристијансунд – Молде
Појадок. Патување од Лилехамер поминувајќи низ Домбас, главната раскрсница на Норвешка, каде што се среќаваат патишта, железница и неколку национални паркови. Патување низ паркот Доврфел, националниот парк со диви ирваси, планински лисици и елени, еден од најбајковитите планински области во Норвешка. Патот води кон Опдали,  познат како едно од најголемите алпски одморалишта во Норвешка. Крајната дестинација е Кристијансунд. Шарениот град уште се нарекува Атлантик Сити, бидејќи е најблискиот град до еден од најсценските патишта во светот – Атлантскиот пат. Сместување во хотел. Ноќевање.

05 август 2024  Кристијансунд – Молде – Нордфјорд
Појадок. Патување од Кристијансунд преку автопатот Атлантик до Молде. Крајбрежниот атлантски пат е еден од најсценските за возење во светот, уникатен дел од патот ве води веднаш до работ на океанот. Во 2005 година патот беше прогласен за „Инженерски подвиг на векот” на Норвешка. Отворен во 1989 година, има статус на Национална туристичка рута, целиот дел помеѓу Буд и Кристијансунд е едно континуирано искуство преполно со крајбрежни предели, култура и историја. Отворете ги сите ваши сетила бидејќи искуството на Atlantic Road ќе ви остави спомени за цел живот. Премин со траект од Солнес до  Афарнес и премин со траект  од Линге до Ајсдал. Крстарење по фјордовите од Гејрангер до Хелсилт. Гејрангер фјорд, еден од најпознатите во светот, вистински скапоцен камен, со својата карактеристична форма S.  Високите водопади и напуштените планински форми и целиот овој пејзаж на фјордот е вклучен на листата на светското наследство на УНЕСКО. Сместување во хотел. Ноќевање.

06 август 2024 Нордфјорд – Согнефјорд
Појадок. Посета на глечерот Бриксдал, можност за доплата за „Тролкар”, во случај да не сакате да пешачите. Патеката е долга 2,5 километри, пешачењето трае околу 45-60 минути и е релативно рамна со мали наклони, со севкупна надморска височина  од 200метри. Глечерот Бриксдал е една од најпосетуваните туристички атракции во Норвешка, опкружен со величествени планини и прекрасни водопади. Уживате во спектакуларните пејзажни на планинските водопади, кристално чистите езера и традиционалната архитектура. Патување кон Согнефјорд, премин на траект од Манхелер до Фоднес. Сместување во хотел. Ноќевање.

07 август 2024  Согнефјорд – Берген
Појадок. . Можност за два различни адреналински факултативини излети.    Изборно: Flam Railway (релација Флам-Мирдал-Флам) е најстрмната железница во Европа, неверојатно патување меѓу планини и фјордови. Железницата Флам е  линија долга 20 км од главната Бергенска линија, таа минува низ долината Флам и ја поврзува главната линија со Согнефјорд и селото Флам фјорд. Висинската разлика на линијата е 863 метри, со десет станици, дваесет тунели и еден мост. Изборно: крстарење по Nærøyfjord: започнува од Flåm, бродот ќе го започне своето патување пловејќи низ идиличниот Аурландс фјорд, кој исто така е впишан на списокот на светското наследство на УНЕСКО. Понатаму, бродот продолжува низ тесниот Nærøyfjord пред да пристигне Гудванген, највнатрешниот фјорд од целиот Нордфјорд. Крстарењето е во еден правец, од Флам до Гудванген од каде групата ќе биде превземена со автобус.  Патување кон Берген. Сместување во хотел. Ноќевање.

08 август 2024  Берген – Драмен
Појадок. Разгледување на Берген со водич, уште наречен и срцето на фјордовите. Иако Берген е втор по големина град во Норвешка, има атмосфера на мал град, преполн со шарм и урбан карактер. Уживајте во тесните калдрмести улички, како и можноста да се види местото на светско наследство на УНЕСКО Бриген, “The Hanseatic Wharf”, најочигледниот остаток од времето кога Берген бил центар на трговијата меѓу Норвешка и останатите градови во Европа. Патување кон Драмен. Сместување во хотел. Ноќевање.

09 август 2024  Осло – Скопје
Појадок. Трансфер до аеродромот во Осло. Лет за Скопје во 10.35 часот. Слетување во 13.50 часот.


 Цена на аранжманот за рани уплати до 30.04.2024 – 1590 евра
Цена на аранжманот  – 1790 евра 


Во цента е вклучено

  • Авиобилет на релација Скопје – Осло – Скопје
  • 7 Ноќевања со појадок во хотели според програмата:
  • 1 ноќевање со појадок во Осло
  • 1 ноќевање со појадок во Лилехамер
  • 1 ноќевање со појадок  во Кристијансунд
  • 1 ноќевање со појадок во Нордфјорд
  • 1 ноќевање со појадок  во Согнефјорд
  • 1 ноќевање со појадок  во Берген
  • 1 ноќевање со појадок  во Драмен
  • Вклучен превоз и трансфери според програмата
  • Разглед на Осло и Берген со локални водичи
  • Премин со траект: Солнес → Афарнес
  • Премин со траект: Линге → Ајсдал
  • премин со траект: Manheller → Fodnes
  • Крстарење по фјорд Geiranger Hellesyt
  • Лиценциран водич / пратител за целото патување

Во цената на аранжманот НЕ е вклучено:

  • Можност за вечера 7 дена  –  280 евра
  • Доплата за еднокреветна соба – 310 евра
  • Патничко – здравствено осигурување
  • Доплата за чекиран багаж – куфер до 10кг  / чекиран багаж – куфер до 20кг  *( цената е променлива, инфо во агенција 7 дена пред поаѓање)

Факултативи:

  • Влез за музејот Фрам (прв  ден) – 11 евра по лице
  • Влез за музејот КОН ТИКИ (прв ден) – 10 евра по лице
  • Трол автомобили Бриксдал (петти ден) – 30 евра
  • Крстарење по Naeroyfjord  ( шести ден) – 65 евра
  • Флам железница на релација Флам-Мирдал – Флам (шести ден) – 70 евра
  • Напомена:  Сите наведени факултативи се остварливи, резервација за истите е задолжителна во агенција.

Напомена:

  • Цените се по лице за сместување во двокреветни соби.
  • За реализација на аранжманот потребен е минимум од 20 патници.
  • За резервација задолжителна уплата на аванс од 30% од вкупниот износ на аранжманот. Целосна доплата на аранжманот е 15 дена пред поаѓање. Усни и телефонски резервации се невалидни. Плаќањето е исклучиво во денарска противвредност по курс 1 евро = 62,00 денари.
  • За реализација на факултативните излети потребен е минимум од 15 патници. При резервација задолжително е изјаснување/пријавување кои од понудените факултативи ќе ги користи патникот како би можела агенцијата навремено да ги организира истите.
  • Агенцијата го задржува правото на промена на редоследот на програмата во случај на непредвидени објективни причини, како на пример застој на граница, доцнење на летот, застој во сообраќајот, затвореност на некој од локалитети предвидени за посета …
  • Организаторот на патувањето го задржува правото по пат на ultra first или last minute понуда да ги објави и продаде слободните места по цени кои се разликуваат од оние кои се веќе објавени. Лицата кои го уплатиле аранжманот по редовен ценовник, немаат право на надомест на средства за разлика во цена.
  • Агенцијата го задржува правото на отказ на аранжманот 7 дена пред поаѓање доколку не е исполнет бројот на пријавени лица предвидени по програмата за ова патување.
  • Патникот има обврска пред поаѓање 24 часа да ја контактира агенцијата за потврда на точното време и место на поаѓање.
  • Патната исправа треба да е валидна минимум 3 месеци по завршувањето на аранжманот. Валидноста на патните исправи се обврска на патниците, при уплата на резервација должни се истите да ги приложат во агенцијата за проверка.