info@we.com.mk 
+389 32 618 999; +389 78 419 995 
Сараево-Мостар~2НП
СТФФ
Нова Година во Сараево 2027
САРАЕВО И МОСТАР НОВА 2027 ГОДИНА
ТЕРМИН: 30.12.2026 – 02.01.2027
Мешавина од култури и религии, спој од минатото и сегашноста е тоа што го прави Сараево посебен. На оваа програма ќе ги видите најбитните места што треба да се посетат во Босна и Херцеговина, во продолжение програмата...
РЕДОВНА ЦЕНА: 159 € / 9.860 мкд
ПРОМО ЦЕНА до 20.11.2026 : 129 € / 8.000 мкд
ЦЕНАТА НА АРАНЖМАНОТ ВКЛУЧУВА:
-Автобуски превоз (Кочани, Штип, Велес, Скопје и Куманово)
-2 ноќевања со појадок во хотел со 3* во Сараево
-Разглед на Сараево со водич
-Посета на Андриќград и Вишеград
-Туристички придружник за време на целото патување
ЦЕНАТА НА АРАНЖМАНОТ НЕ ВКЛУЧУВА:
-Пакет Неретва (Коњиц, Јабланица и Мостар) – 70 евра (се плаќа во автобус).
Посета на Босански пирамиди – 25 евра (се плаќа во автобус)
Туристичка такса – 5 евра за 2 ноќевања по лице (се плаќа во автобус)
-Крстарење по Дрина – 10 евра од лице
ПРВ ДЕН 30.12.2026 (СРЕДА) СКОПЈЕ – САРАЕВО
Состанок на групата во 21:30 часот пред хотел Русија. Поаѓање за Сараево во 22:00 часот. Ноќно возење преку Србија.
ВТОР ДЕН 31.12.2026 (ЧЕТВРТОК) САРАЕВО
Пристигнување во Сараево каде следува разглед на градот со локален водич. Сараево е поделен на 3 дела, Отомански дел каде се наоѓа Башчаршија, Австроунгарски дел каде се спојуваат културите и доминираат австроунгарските градби и Југословенски дел. Кога ќе шетате ќе се почувствувате како да влегувате од град во град.
Разгледот ни започнува кај Vijećnica, најрепрезентативната зграда во Сараево која се наоѓа покрај реката Miljacka. Продолжуваме кон Башчаршија, симболот на градот каде ќе имате можност да ги вкусите сараевските „Ćevapi kod Želje“ и сараевскиот бурек. Ќе ја видите џамијата Гази Хусрев-бег или позната како Беговата џамија која е прва џамија во светот во која се изработени електрични инсталации како и внатрешно електрично осветлување. Сместена во срцето на Башчаршија, Беговата џамија е мета на многубројните туристи од цел свет. Оваа џамија заедно со Саат-кулата е застапена во многу филмови, пред сè во филмови од документарен карактер, а најпознатиот филм е „Валтер го брани Сараево“, ќе дојдете до точката каде се спојуваат културите на Истокот и Западот, местото каде е формирана EX YU групата INDEXI, ќе го видите хотел Европа кој е најстариот хотел во Сараево каде престојувал Тито и „Vječna Vatra“. Вечниот оган е споменик на воените и цивилните жртви од Втората светска војна во Сараево. Споменикот е изграден на 6 април 1946 година, на првата годишнина од ослободувањето на Сараево од германската окупација. За време на опсадата на Сараево пламенот на споменикот бил изгаснат бидејќи во градот немало гориво. На крај на разгледот ќе го видите местото каде е убиен Франц Фердинанд од страна на Гаврило Принцип на 28 јуни 1914 година и со ова убиство започнува почетокот на Првата светска војна и Латински мост кој е еден од најстарите мостови во главниот град. По разгледот следува слободно време за индивидуален разглед. Препорачуваме да ја посетите најстарата пивница во градот „PIVNICA HS“ која е од 1864 година. Сместување во хотел. Ноќевање.
ТРЕТ ДЕН 01.01.2027 (ПЕТОК) КОЊИЦ, ЈАБЛАНИЦА (БИТКА НА НЕРЕТВА) ИЗВОРОТ И МОСТАР
Појадок во хотел. Бидете спремни за еден долг и прекрасен ден. Денот ни започнува со посета на градот Коњиц. Град на мостови и природа, каде Неретва ги спојува традицијата, авантурата и убавината на Херцеговина. Крива чуприја, со својата едноставна, но величествена убавина, гордо стои како симбол на трајност и мајсторство. Секој чекор низ Коњиц носи мирис на дрво, звук на вода и топлина на луѓе кои ја чуваат својата душа во каменот и мостовите. По посетата на Коњиц, групата ќе има можност да го посети местото Јабланица каде била Битката на Неретва. Битката на реката Неретва била една од најепските битки за време на Втората светска војна во Југославија. Во доцната 1942 година, германското високо командување било загрижено поради можноста за слетување на Сојузничките сили на Балканот. Затоа, Адолф Хитлер наредил офанзива со цел нарушување на централното командување на партизанското движење во централна БиХ. Пресвртницата на битката се случила кога силите на партизаните го уништиле добро обезбедениот мост над реката Неретва за да го забават напредувањето на германската армија.
Оваа битка е „Bitka za Ranjenike“ која била 4-та непријателска офанзива на НОВЈ. Битката била овековечена во 1960-тите со снимањето на филмот „Битката на Неретва“ во кој, меѓу другите холивудски актери, главните улоги ги толкуваат Јул Бринер и Орсон Велс. Постерот за филмот бесплатно го изработил Пикасо. Ќе имате можност да го видите срушениот мост и возот каде имало пруга. Попатно како ќе се движите према Херцеговина ќе ги видите најубавите клисури низ овој дел, дефинитивно ќе уживате во погледот и ќе ја гледате реката Неретва. Денот го завршуваме со посета на Мостар, еден од најубавите градови во Босна и Херцеговина, кој името го добил по чуварите на мостовите на реката Неретва (мостари) на чиј брег е послан градот. Прошетка до Стариот мост (кој заедно со стариот дел на градот во 2005 е ставен на листата на УНЕСКО), кулата Келебија, Саат-кула, Крива Чуприја (еден од најстарите споменици кои датираат од османлискиот период), старата мостарска чаршија која се наоѓа на левиот брег на реката Неретва... Мостар никој не го остава рамнодушен, еднаш штом ќе го посетите никогаш нема да сакате да го напуштите. Во Мостар ќе имате можност да се возите со глисери, се поминува низ Стариот мост, крстарењето трае кратко, но е доста атрактивно. Од другата страна на мостот има населба со колоритни згради. Овде дефинитивно ќе ги направите најубавите фотографии.
По завршување на разгледот слободно време и можност за ручек или кафе во автентичен стил во старата чаршија со поглед према „Стариот мост“ кој претставува симбол на градот Мостар, но и на Босна и Херцеговина. Враќање во хотел. Посета на паб доколку има интерес од страна на групата. Ноќевање.
ПОСЛЕДЕН ДЕН 02.01.2027 (САБОТА) БОСАНСКИ ПИРАМИДИ – ВИШЕГРАД – АНДРИЌГРАД – СКОПЈЕ
Појадок во хотел. Посета на Босанските пирамиди. Ќе го посетите тунел Равне. Непосредно под долината на пирамидите се наоѓа праисториски подземен лавиринт од 1,7 км должина. Ве водиме низ лавиринтот чии тунели се осветлени, за да ја откриете лековитата моќ таму. Се верува дека високата концентрација на јони го чисти вашето тело. Посетата на тунелот позитивно влијае на вас, посебно доколку имате проблеми со кашлица или синуси.
Циркулацијата на воздухот е извонредна и се постигнува со различните висини на таванот што предизвикува различен воздушен потисок и природна вентилација. По посетата на Босанските пирамиди заминување кон Вишеград, едно мало градче во Босна и Херцеговина, кое се наоѓа на сливот на реките Рзав и Дрина. Место каде две култури, два света се спојуваат преку надалеку познатиот Мостот на Дрина, претставен пред светот од Иво Андриќ. Во Вишеград ќе имаме можност да го посетите и Андриќград кој е познат како и Каменград, а инвеститор е познатиот тенисер Новак Џоковиќ. Како културен центар изграден по иницијатива на Емир Кустурица, а за туристи официјално е отворен во 2012 година. Слободно време за прошетка или крстарење по Дрина. Заминување кон Македонија. Пристигнување после полноќ во Скопје 03.01.27 – недела.
ПОПУСТИ И ДОПЛАТИ:
-Деца до 2,99 г. во придружба на две возрасни, плаќаат само за превоз 50 евра (не користат легло)
-Деца од 3 до 11,99 г. – плаќаат полна сума (добиваат попуст само на факултативите)
-Доплата за еднокреветна соба 50 евра за двете ноќевања
-Можност за доплата за превоз од Битола и Прилеп
НАПОМЕНА:
-Агенцијата го задржува правото за отказ на аранжманот најмногу 5 дена пред тргнување.
-Превозот дали ќе биде со автобус или комбе зависи од бројот на патници.
-За реализација на патувањето потребно е минимум од 45 патници.
-Цените се дадени во евра, уплатата исклучиво се врши во денарска противвредност по курс 1 евро = 62 мкд.
-Важност на патните документи минимум 3 месеци по завршувањето на патувањето.
-Целосна доплата на аранжманот мора да се изврши најдоцна 10 дена пред тргнување.
-Во случај на отказ на еден од патниците, за сместување нема поврат на средства.
-Агенцијата го задржува правото по пат на ultra first или last minute понуда да ги објави и продаде слободните капацитети по цени кои се разликуваат од оние кои се веќе објавени во ценовникот. Лицата кои го уплатиле аранжманот по ценовник немаат право на надомест на средства за разликата во цена.
-Агенцијата го задржува правото на промена на хотел/апартман во случај на технички причини или overbooking, организаторот ќе го смести патникот според можностите во даден момент во објект од иста категорија или од повисока категорија без надомест.
-Реализацијата на излетите е во зависност од временските услови, организаторот го задржува правото во случај на неповолни временски услови да ги откаже излетите или да направи промена во редоследот на факултативните излети.
