holi*ay

Дочекајте ја Новата година во Барселона – град каде медитеранскиот шарм, празничните светилки и живата атмосфера создаваат незаборавно празнично доживување. Прошетајте по живописната Ла Рамбла, воодушевете се на ремек-делата на Гауди, посетете ја величествената Саграда Фамилија и уживајте во магијата на новогодишно украсените улици и плоштади.

Во текот на празничната сезона, Барселона нуди бројни божиќни базари, концерти на отворено, богата гастрономска понуда и спектакуларен новогодишен амбиент. На полноќ, градот оживува со огномети, музика и традиционалното шпанско одбројување со дванаесет зрна грозје – симбол на среќа и просперитет во новата година.

Овој city break е идеален избор за сите кои сакаат да ја комбинираат празничната магија со култура, архитектура, шопинг и медитеранска гастрономија. Започнете ја новата година со незаборавно патување и создадете спомени што ќе останат со вас долго по празниците.

Во цената е вклучено

• Повратен авионски лет од Скопје со рачен багаж
• Аеродромска такса
• 3 ноќевања со појадок во хотел
• Трансфер од аеродром – хотел – аеродром
• Локална поддршка во текот на патувањето

Во цената не е вклучено

• Туристичка такса по лице / ден
• Факултативни излети
• Патничко осигурување
• Локален транспорт: метро или автобуски билети

Факултативни излети

Барселона Панорамика   65 € (деца до 12: 35 €)

Целодневен излет со автобус и пешачка тура: ридот Монжуик, Олимпискиот стадион, Пуебло Еспањол, Плаза Еспања, Плаза Каталуња, Пасео де Грасија со Каса Батљо и Каса Ла Педрера, и Саграда Фамилија.

Готска Четврт   35 € (деца 2–12: 20 €)

Прошетка низ најстариот дел на Барселона – Готската катедрала, Плоштадот Рејал и остатоците од римскиот град Барцино.

Аквариум Барселона   35 € (деца 2–10: 30 €)

Најголемиот аквариум со медитеранска тематика во светот – 35 аквариуми и 11.000 животни од 450 видови.

Музеј Дали + Гирона   85 € (деца до 12: 45 €)

Целодневен излет до Гирона со прекрасната катедрала и стариот град, и до Фигерас, родниот град на Салвадор Дали, со посета на неговиот прочуен музеј.

Посета на Парк Гуел   23 €

Прошетка низ едно од највпечатливите ремек-дела на Антони Гауди, со шарени мозаици и панорамски погледи кон градот.

Парадокс музеј   20 €

Забавно и волшебно место каде ништо не е како што изгледа – идеално за целото семејство.

Целодневна авантура во Порт Авентура   50 €

Еден од најголемите забавни паркови во Европа – ролеркостери, водени слајдови и ликови од Sesame Street.

Чоколаден музеј   9 €

Дознајте како се прави чоколадо – од зрно до чоколадно табло, со можност сами да направите чоколадни форми.

Барселона Зоолошка   23 €

Над 2.000 животни од целиот свет, игралишта и едукативни зони за целото семејство.

Дополнителни информации

• За реализација на аранжманот потребен е минимум од 20 патници.
• Типот на соба го одредува хотелот на лице место, во зависност од расположливоста.
• Пасошот мора да важи најмалку 90 дена по напуштање на Шенген зоната.
• Секој патник е должен да поседува важечко патничко осигурување.
• При резервација се уплатува аванс од 30% од вкупната сума.
• Плаќањата во денарска противвредност се пресметуваат по курс 1 ЕУР = 62 МКД.
• Агенцијата го задржува правото на измена на програмата, во согласност со околностите.
• Организаторот може да ги понуди слободните места по специјални „ultra first“ или „last minute“ цени.
• Патниците кои го уплатиле аранжманот по редовен ценовник немаат право на поврат при разлика во цена.