at*as+

---

МАЈОРКА
Префинета Медитеранска Елеганција

---

 

Најголемиот бисер на Балеарскиот архипелаг, Мајорка, се издвојува како едно од највпечатливите лица на Медитеранот. Островот делува како сцена каде морето и планините се надополнуваат во совршен баланс, додека светлината му дава препознатлива мекост што го дефинира неговиот карактер.

Во срцето на островот, Палма зрачи со суптилна елеганција. Нејзината архитектура, медитеранскиот ритам и современата префинетост создаваат амбиент што природно се вклопува во секој момент од престојот.

Од средината на минатиот век, Мајорка се развива во една од најпосакуваните европски дестинации, задржувајќи ја својата автентичност додека пречекува милиони посетители годишно. Денес, островот е симбол на медитеранскиот стил, каде природата, морето и архитектурата се спојуваат во речиси совршена хармонија.

Песочните плажи, бистрото море и благата клима ја обликуваат Мајорка како дестинација што нуди идеален спој на одмор, естетика и вистинско уживање.

---

 МАЈОРКА | 01 СЕПТЕМВРИ – 09 СЕПТЕМВРИ

---

Совршен сплет на медитеранска елеганција, песочни плажи и внимателно избрана удобност — во шармантната Палманова, во близина на Палма де Мајорка

ЛЕТ (преку Виена со Austrian Airlines)

01 Септември
SKP – VIE 12:35 – 14:10
VIE – PMI 15:25 – 17:50

09 Септември
PMI – VIE 18:40 – 21:05

VIE – SKP 22:45 – 00:15 (+1)

---

ЗОШТО ПАЛМАНОВА?

Палманова е една од најбалансираните и најбарани локации на Мајорка — место каде комфорот, убавината и практичноста се спојуваат без компромис. Со долги, уредени песочни плажи и кристално чисто море кое гали, оваа област е идеална и за вистински одмор и за лесно уживање во секој момент.

Нејзината позиција во близина на Палма де Мајорка овозможува брз пристап до градската динамика, ресторани, шопинг и култура, додека самата Палманова задржува поопуштен, пријатен и уреден амбиент. Токму таа рамнотежа ја прави најдобар избор што одговара за квалитетен престој.

---

 Hotel Tent Palmanova 3*

• 8 ноќевања со појадок (до 13:30)
• модерен и урбан концепт
• одлична локација блиску до плажата на Палманова
• https://www.tenthotels.com/en/tent-palmanova

---

💶 999 EUR по лице (во двокреветна соба)

---

Современиот Хотел Tent Palmanova со урбан концепт и опуштена атмосфера, се издвојува со својот препознатлив „brunch unlimited“ концепт до 13:30 часот, што овозможува флексибилност и вистинско уживање без брзање. Лоциран на одлична позиција, на кратко растојание од песочната плажа во Палманова, хотелот овозможува лесен пристап до шеталиштето, рестораните и локалните содржини. Модерно уредените соби, пријатната атмосфера и внимателно осмислениот концепт создаваат балансирано и удобно искуство на Медитеранот.

Вклучено:

• Авионски билет Скопје – Виена – Палма де Мајорка – Виена – Скопје
• Рачен багаж: мала торба (40x30x20cm) и рачен куфер до 8kg (55x40x23cm)
• Сместување на база 8 Ноќевања со појадок во хотел во Палманова
• Трансфери Аеродром – Хотел- Аеродром

Не е вклучено:

• Доплата за куфер за чекирање до 23кг
• Туристичка такса, се плаќа во хотелите на рецепција
• Факултативни излети: Разглед на градот Палма, Посета на Ибица и Боите на Северна Мајорка

---

Разглед на градот Палма де Мајорка, со локален превоз или такси

По препорака од локалната партнерска агенција, градот Палма најубаво се шета преку самостојно откривање на нејзиниот шарм, историскиот центар и живописните улици.

Разгледот започнува во срцето на градот, пред импозантната La Seu Cathedral — готско ремек дело кое доминира над морската линија и ја дефинира силуетата на Палма.

Во непосредна близина се наоѓа Royal Palace of La Almudaina, каде што се преплетуваат кралската традиција и историските влијанија кои го обликувале градот низ вековите.

Патеката продолжува кон Parc de la Mar — простор каде архитектурата и водата се во совршен дијалог, со отворен поглед кон Катедралата и медитеранскиот хоризонт.

Во старото градско јадро, Plaça Major носи активен градски ритам, опкружен со кафулиња и силна улична уметничка енергија. Passeig del Born ја открива елегантната страна на Палма — Авенија исполнета со палми, бутици и софистицирана градска атмосфера.

Со поглед кон заливот на Палма, моментите на зајдисонце ја откриваат најсмирената и најмагичната разгледница на градот во прекрасни бои.....

---

Излет до Ибица – едно поинакво медитеранско доживување, остров со сопствен ритам, енергија и карактер 85 Евра

По утринско двочасовно пловење од Мајорка, пристигнување на Ибица, каде атмосферата веднаш добива поинтензивен и подинамичен медитерански израз.

Палма Ибица

08:00   10:00

Ибица Палма

20:00   22:00

Прва станица е стариот град Dalt Vila, кој се издига над морето и е под заштита на УНЕСКО. Низ историскиот влез Portal de ses Taules и низ камените улици, секој чекор открива нови погледи, скриени агли и автентична медитеранска атмосфера.

Патеката води нагоре, сè до највисоката точка – Ibiza Cathedral, од каде се отвора панорамски поглед кон пристаништето, морето и целиот град.

По историскиот дел, следува сосема поинаква слика на островот. Модерната марина Marina Botafoch, каде јахтите, рестораните и баровите ја покажуваат современата, луксузна страна на Ибица. Тука се чувствува енергијата на островот на најелегантен начин.

Следува слободно време за индивидуално уживање – прошетка низ тесните улички на стариот град, одмор во локално кафуле со поглед кон морето или кратко бегство на една од блиските плажи како Talamanca Beach или Playa d'en Bossa.

Комплетната прошетката ја прикажува Ибица во нејзината најавтентична форма, а излетот ја надополнува приказната за престојот на Мајорка, без да ја менува нејзината суштина.

---

Боите на северна Мајорка 35 Евра

Целодневен излет кон северниот дел на островот кој ја открива неговата поинаква, поширока и природно впечатлива страна.

Прв дел од доживувањето е историскиот град Alcudia — стар град со зачуван карактер, камени улички и автентична медитеранска атмосфера која го раскажува минатото на островот на елегантен начин. Плажата Playa de Muro е една од најмагичните плажи на Mallorca, позната по својата долга песочна линија и кристално чистото море.

Излетот вклучува превоз во двата правци, разглед на градот и слободно време за уживање на плажа.