Duration: 13 Mar 2027 - 16 Mar 2027
Price: 659€Промо цена : 559€
Book Now!
НЕХ


Барселона – град на уметноста, сонцето и медитеранскиот шарм – Барселона е еден од најубавите и најживописните градови во Европа, каде што историјата, уметноста и модерниот начин на живот се спојуваат во совршена хармонија. Позната по уникатната архитектура на Гауди, величествената Саграда Фамилија, шармантните улици и прекрасните медитерански плажи, Барселона плени со својата неповторлива атмосфера. Град исполнет со боја, култура, гастрономија и незаборавни доживувања, кој ве поканува да го откриете неговиот посебен шарм!

Термин  13-16 Март

1 ден 13.03.2027 • Скопје – Барселона

Состанок на групата на еародромот во Скопје во 10.30 часот. Полетување за Барселона во 12.35ч. и пристигнување во 15.30 часот. Организиран трансфер до хотел. Сместување. Ноќевање.

2 ден 14.03.2027 • Барселона Панорамика + Poble Espanyol (Шпанско село) 

Појадок.. Препорачуваме организиран панорамски разглед на градот: Ремек делата на Антони Гауди се неизбежни во обиколка на Барселона, на најелегантната авенија Passeig de Gracia ќе ги видите неговите куќи како од бајка, Casa Batllo и Casa Mila. Неговото најголемо ремек дело e црквата Sagrada Familia (индивидуални влезници). Нема да ве остават рамнодушни ни плоштадите Каталуња и Еспања, Магичните фонтани, Националната палата, арените за корида… Слободно време за ручек и индивидуални прошетки. Можност да се искачите на брдото Монжуик со фуникулар и да уживате во прекрасната панорама на градот или да прошетате по по најшарената улица на светот Ла Рамбла, улица која ќе посакате да нема крај…   Барселона нуди вистинска можност за истражување и уживање во нејзините убавини, музеи, шпанската кујна, шопинг…

По разгледот, препорачуваме посета на Шпанското село, една од големите атракции  во Барселона изградени за Светската изложба во 1929 год.Иако било планирано селото да се сруши по завршување на изложбата, заради неочекувано големиот интерес тоа не е сторено. Денес Poble Espanyol е своевиден музеј на архитектурата и културата на Шпанија, со 117 градби, плоштади, улици, продавници… типични за 15 различни области во Шпанија. Во составот на селото се наоѓа и театар, музеј на современа уметност, уметнички работилници и ресторани со специјалитети кои потекнуваат од различни региони на Шпанија.  Ноќевање.

3 ден 15.03.2027 • Барселона – Парк Гуел – Готкса Четврт

Појадок.. Препорачуваме посета на импресивниот парк Гуел, во кој генијалниот Гауди ја реализирал идејата за единството на природата и уметноста…. Парк Гуел е еден од најпознатите симболи на Барселона кој привлекува со својата шарена керамика и луда архитектура. Сместен во Ла Салут, на падините на планините Колсерола, претставува единствена мешавина од природата и урбанизмот. Еузеби Гуел е богат каталонски индустријалец, кој во историјата ќе биде познат како човек кој ја финансирал оваа голема идеа на Гауди, дело на кое и денес се восхитуваме.

Можност за прошетка со водичот (факултативно) низ историското срце на Барселона (со јавен превоз) , каде што тесните калдрмисани улички, средновековните градби и живописните плоштади ја раскажуваат богатата историја на градот. Разглед на величествената Катедрала на Барселона, Плоштадот Сант Жауме и прекрасниот Плоштад Реал (Plaça Reial), познат по своите елегантни аркади, палми, шармантни кафулиња и декоративни улични светилки дизајнирани од Антони Гауди. Прошетка низ скриените катчиња на оваа автентична четврт, која претставува вистинско патување низ времето, исполнето со историја, архитектура и неповторлив медитерански шарм.

Слободно време за индивидуални активности и прошетки низ центарот на Барселона, Ноќевање. 

4 ден 16.03.2027 • Барселона  

Слободно претпладне за индивидуални активности. Состанок на групата во договорено време. Организиран трансфер до аеродромот. Полетување во 16.00 часот и пристигнување во 18.45 часот.


Цена на аранжманот за рана резервација до 15.12.2026: 559 евра / 34.660 денари

Редовна цена на аранжманот: 659 € / 40.860 ден


Аранжманот вклучува

  • Авионски превоз на релација Скопје - Барселона - Скопје
  • Организиран трансфер аеродром-хотел-аеродром
  • Сместување во хотел во Барселона, на база 3 ноќевања со појадок
  • Рачен багаж (1 торба до 10 кг. со димензии 40х30х20см)
  • Организација на аранжманот и придружник на патувањето(за група поголема од 15 лица)

Не е вклучено

  • Разглед на Барселона со водич и превоз - 60€
  • Побле Еспањол - 25€
  • Парк Гуел со вклучена влезница - 40€
  • Готска Четврт Барселона - 30€ - (јавен превоз не е вклучен во цената)
  • ПАКЕТ ИЗЛЕТИ - 130€
  • Задолжително патничко осигурување 300 ден (за лица до 60 години)
  • Доплата за чекиран багаж 10кг - 65€ (при резервација)
  • Доплата за чекиран багаж 20кг - 85€ (при резервација)
  • Туристичка такса 20 евра по лице за 3 ноќевања
  • Влезници за музеи и локалитети
  • Билети за јавен превоз
  • Доплата за еднокреветна соба 17.400 ден

НАПОМЕНИ:

  • За реализација на ова патување, потребен е минимум од 45 патници.
  • Пасошот треба да има важност најмалку 3 месеци по истекот на патувањето
  • Плаќањето се врши исклучиво во денарска противвредност по курс 1 евро = 62 денари
  • Организаторот на патувањето не гарантира тип на лежај.( Двокреветна соба може да биде со брачен лежај или со два единечни лежаи, Трокреветна соба може да биде со три класични лежаи, брачен лежај и единечен класичен лежај, брачен лежај или два единечни лежаи и дополнителен лежај ( ранч кревет или софа),   четворокреветна соба може да биде со четири класични лежаи, брачен лежај и 2 единечен класичен лежај, брачен лежај или два единечни лежаи и 2 дополнителнителни лежаи ( ранч кревет или софа).
  • Организаторот на патувањето го задржува правото по пат на ultra first или last minute понуда да ги објави и продаде слободните места по цени кои се разликуваат од оние кои се веќе објавени. Лицата кои го уплатиле аранжманот по редовен ценовник, немаат право на надомест на средства за разлика во цена.
  • Доколку багажот се додаде дополнително, цената може да биде повисока од првично понудената, бидејќи авиокомпанијата го задржува правото на промена на цените. За точната цена, ве молиме консултирајте се со агенцијата.
  • За резервација на аранжманот потребна е аконтација од 50%, целосна уплата најдоцна 14 дена пред поаѓање
  • Со потпишување на договорот за патување, патникот е должен да го прифати местото во автобус кое ќе му го додели агенцијата согласно периодот на уплатата.
  • Агенцијата го задржува правото за отказ на аранжманот најмногу 5 дена пред поаѓање.
  • Патникот има обврска да се јави 24ч. пред патувањето за да потврди време и место  на поаѓање.