stff

ЖЕНСКА АВАНТУРА НА КИПАР
Термин: 07.03. - 10.03.2026

ПРВ ДЕН - 07.03.2026 (САБОТА) СКОПЈЕ - КИПАР
Состанок на групата на Скопскиот аеродром во 18:15 часот. Полетување за Ларнака во 20:15 часот, пристигнување во 23:25 часот. Организиран трансфер до хотел и сместување. Слободна вечер. Ноќевање.

ВТОР ДЕН - 08.03.2026 (НЕДЕЛА) ЛАРНАКА - АЈА НАПА - ЛАРНАКА
Се будиме со мирисот на морето и топлите зраци на медитеранското сонце, уживајќи во вкусен појадок и добро расположение.
Целодневна екскурзија со организиран превоз во градот Аја Напа.
Аја Напа е можеби нај популарен туристички центар на Кипар, со многу сонце, кристално чисто море и прекрасни пејзажи.
До 1974 година Аја Напа било мало, рибарско село, мирно и со прекрасна плажа. Денес е престижен туристички центар. Познат и по „втора Ибица„ или Мајами во Европа за сите кои сакаат море, спортови на вода и активен ноќен живот, бројни ресторани, барови, дискотеки и тренд клубови. Токму поради тоа е доста атрактивен за млади туристи во текот на летниот период. Меѓутоа Аја Напа нуди и нешто друго, овде се наоѓа една од најубавите плажи не само во Европа туку и пошироко, плажата Ниси која што се карактеризира со тиркизно море и прекрасно зајдисонце.
Во центарот на градот има камен плоштад каде ќе си направите прекрасни фотографии кои ќе ги паметите со години. Тука ќе се прошетаме и по улицата на славните каде што на многу статуи ќе прочитате изгравирани имиња на многу познати личности. На плоштадот ќе го посетиме и средновековниот манастир. Ќе го посетиме и пристаништето кое нуди прекрасен поглед на тиркизното море и националниот парк Каво Греко.“ .
На истокот од Аја Напа се наоѓа музеј на отворено, каде ќе уживаме во дела од многу познати уметници.
Во договорено време враќање во хотел и можност за заедничка вечерна прошетка низ Ларнака , градот каде што палмите флертувааат со фламингосите.
Ќе прошетаме по шеталиштето покрај плажата Филикудес, ќе ја видиме црквата Св. Лазар и старата тврдина која датира од 14 век. Ларнака е позната по бројните ресторани, кафулиња и барови сместени на самиот брег.
Можност сите заедно да го прославиме и да наздравиме за Денот на жената. Ноќевање.

ТРЕТ ДЕН - 09.03.2026 (ПОНЕДЕЛНИК) ЛАРНАКА - НИКОЗИЈА - ЛАРНАКА
Појадок. По појадокот заминуваме на разглед на главниот град на Кипар Никозија. Овој уникатен град е поделен на два дела, со околу 130.000 жители, две временски зони и граница со пасошка контрола. Фактот што се преминува од една во друга држава за само две минути, со поместување на часовникот за еден час, претставува посебно искуство.
Ќе се запознаеме со грчката страна на градот, Laiki Getonia („Добар комшија“), каде тесните улички, кафулињата, продавниците и атељéата создаваат автентична и шармантна атмосфера. Ќе ги посетиме и значајните историски точки, Катедралата Архангел Михаил, Катедралата на Свети Јован, централниот плоштадот Елефтерија, Музејот за историја и најголемата банка на Кипар, која според легендата е во сопственост на Кипарската православна црква. Следува слободно време за кафе или ручек, а по желба и посета на кулата Шаколас, од која се пружа неверојатен панорамски поглед на целиот град, вклучувајќи го и турскиот дел кој е под окупација. Потоа ќе се упатиме кон Зелената линија и познатиот „ѕид на поделба“ кој го дели градот. Ќе ги разгледаме и историските објекти, Карвансарајот Бујук Ан и Селимије Џамијата, некогаш православна црква, која претставува уникатен пример за готска архитектура на Кипар. Во договорено време враќање во хотел. Ноќевање.

ЧЕТВРТИ ДЕН - 10.03.2026 (ВТОРНИК) ЛАРНАКА - СКОПЈЕ
Појадок. Одјавување од хотелот и слободно време за индивидуални активности, со можност да уживате покрај плажа и да го испиете вашето кафе. Во 15:30 организиран трансфер до аеродром.Полетување од Ларнака во 18:15 мин, пристигнување во Скопје во 19:40 мин.

ПРОМО ЦЕНА НА АРАНЖМАНОТ: 329€

РЕДОВНА ЦЕНА: 389 €

ЦЕНАТА НА АРАНЖМАНОТ ВКЛУЧУВА:
- Директен лет на релација Скопје –Ларнака -Скопје
- Аеродромски такси
- Мала кабинска торба со димензии 40x25x20cm;( дозволено едно парче багаж )
- Организирани трансфери: аеродром Ларнака – хотел – аеродром Ларнака
- Сместување во 3* хотел на база 3 ноќевања со појадок во хотел во Ларнака
- Организација на аранжманот и придружник на патувањето.

ЦЕНАТА НА АРАНЖМАНОТ НЕ ВКЛУЧУВА:
- Доплата за кабински багаж до10кг (55 x 40 x 20 cm)– (информации во агенција )
- Целодневна посета на Аја Напа со водич и трансфер - 70 евра
- Целодневна посета на Никозија ,со водич и трансфер - 70 евра
- Влезници за локалитети (музеј, замоци и слично)
- Туристичка такса 5е од ноќ од соба (се плаќа на рецепција во хотел)